Zoran Zaev

Podnijeću ostavku ako referendum ne uspije

  • 26.06.2018. 08:51

Makedonski premijer Zoran Zaev izjavio je da je uvjeren da će referendum o dogovoru sa Grčkom oko imena biti uspješan, a da će ako ne bude tako, podnijeti ostavku.

On je u intervjuu za 1TV naveo da Makedonija nema Plan B, te da skoro 80 odsto građana želi članstvo u EU i NATO.

"Uvjeren sam da će građani donijeti tu odluku na referendumu", rekao je Zajev.

Upitan da li će se povući ako referendum ne uspije, Zaev je rekao da će podnijeti ostavku, dodavši da je uvjeren da će on biti uspješan, prenosi MIA.

Prema njegovim riječima, važno je da članice EU i NATO pošalju poruku ohrabrenja Makedoniji.

"Makedonija ne samo da je napravila uspjeh, već i model o tome kako rješavati 30-godišnji spor. Makedonija je model koji može da se primijeni. Ne sumnjam da će nam poslati ohrabrujuću poruku. Moraju", istakao je Zaev.