Dragoje Milinković, koji je preko anonimnog pisma koje je stiglo u sud označen kao ubica pjevačice Jelene Marjanović, uhapšen je sinoć u Beogradu, potvrdili su njegovi advokati, Đoko Bendić iz Priboja i Predrag Savić iz Beograda.
"On je sinoć došao u zemlju s namjerom da ide na poligraf zbog ubistva Jelene Marjanović kako bi dokazao da nema veze sa ubistvom pjevačice. On je otišao kod svoje supruge u stan, a onda se kod njega pojavila policija i rekla mu da krene sa njima. Riječ je o izdržavanju presude od prije godinu dana prema kojoj je osuđen za pronevjeru 16.500 evra", rekli su advokati.
Oni ističu da hapšenje Milinkovića nema veze sa ubistvom pjevačice i da je u pitanju izvršenje presude suda u Trsteniku, prema kojoj je osuđen za pronevjeru 16.500 evra.
