Vlade Divac podnio je ostavku na mjesto generalnog menadžera Sakramento kingsa.
Sakramento, koji ni ove sezone nije uspio da se domogne plej-ofa (14. sezonu zaredom), objavio je na svom sajtu da je Divac podnio ostavku.
"Bila mi je čast i privilegija da radim kao generalni menadžer Kingsa. Želim da se zahvalim Viveku na prilici i neverovatnim kolegama sa kojima sam imao zadovoljstvo da sarađujem tokom svog mandata. Sakramento i Kingsi će uvijek imati posebno mesto u mom srcu i želim im sve najbolje u budućnosti", poručio je Divac.
Njega će (za sada) menjati Džo Dumars, doskorašnji savjetnik, ali će on biti uključen i u potragu za novim generalnim menadžerom.
"Ovo je bila teška odluka, ali vjerujemo da je ovo najbolji put da napravimo pobednički tim koji naši navijači zaslužuju. Zahvalni smo Vladu na liderstvu, posvećenosti i teškom radu na terenu i van njega. On će zauvijek biti dio porodice Kingsa", izjavio je vlasnik franšize Vivek Ranadive.
Divac je u Sakramento došao 2015. godine kao savjetnik. Iste godine postao je potpredsjednik košarkaških operacija i generalni menadžer.
