"Maratonski" okršaj dvojice tenisera trajao je četiri sata i dva minuta, a Hrvat je uspio da se vrati poslije zaostatka 2:0 u setovima.

Čilić je bolje započeo duel, i nakon dvije spašene brejk lopte uspjeo da povede 2:0.

Ipak, mladi De Minaur, 45. teniser svijeta, ekspresno je uzvratio brejkom a kasnije napravio još jedan, za trijumf u setu od 6:4.

U istom sitilu, Australijanac nastavlja i u drugom setu, nakon dva brejka poveo je sa 4:1, Čilić je uspio da vrati samo jedan brejk, pa je bilo 2:0 u setovima (6:3).

Hrvat je bolju partiju pružio u trećem setu, u kome je bilo 6:3.

U izjednačenom četvrtom setu, koji je trajao skoro sat vremena, Čilić je napravio ključni brejk u posljednjem gemu, i izjednačio rezultat na 2:2.

Odlučujući set bio je pun uzbuđenja. De Minaur je prvi stigao do brejka, ali je hrvatski teniser u nastavku dva puta oduzeo servis protivniku, kada se činilo da će lako privesti duel kraju. Ipak, De Minaur je ponovo napravio brejk i prišao na 5:4, a zatim i izjednačio. Čilić je pri rezultatu 5:3 propustio čak šest meč lopti, a ubrzo dozvolio protivniku i da izjednači na 5:5.

Njegov naredni rival biće David Gofan, koji je do osmine finala stigao pobjedom nad Janom Lenardom Štrufom.