"Zapleši sa vukom samo ako i sam to jesi. Ako nisi ne ljuti se ako prođes loše. Vuk i ovca ne plešu zajedno” jedna je od jasnih poruka Olivere Ćirković koje je zabilježila u knjizi “Ja, pink Panter".
Prvo izdanje bilježi preko 40.000 prodatih knjiga, što Oliveru čini posebno ponosnom.
Prije četiri mjeseca izašao je direktan nastavak prvog izdanja. Nakon romantike, nostalgije i opisa djetinjstva, Olivera kaže da u drugoj knjizi prelazi na akciju.
Srcem i dušom kaže da je pisala i treću knjigu koja je takođe spremna. Napisana je davno, još u zatvoru.
Treće izdanje ljubitelji pisane Oliverine riječi još će sačekati. Ne želi da jednom knjigom guši drugu. Svaka ima svoje vrijeme. S obzirom na to da Oilivera uvijek ispuni obećanje, čitaoci vjeruju i željno očekuju nastavak njene životne priče.
